29 қыркүйек күні "Жаңа Қазақстанның тірегі-  Айбынды жастар" атты әскери -патриоттық іс-шара өтті. Жас патриоттар Қазақстан республикасының Құрлық әскери институты, Радиоэлектроника және байланыс әскери оқу орындарының уәкілдерімен кездесті. Жаңа Қазақстан жастары көптеген  қызықты мәліметтер естіп, өз Отанына адалдық, сүйіспеншілік және әскери моральдық рухты сіңірді десек қателеспейміз. Іс-шара  патриоттық ән кешімен аяқталды.

Қазақстан Республикасы Оқу-ағарту министрлігі ҚР Премьер-Министрі Ә.А.Смайыловтың (2023 жылғы 27 сәуірдегі №15/11/Б-272лп) тапсырмасына сәйкес ағымдағы жылдың 25-27 қыркүйек күн аралығында мектебіміздің ұжымына және оқушыларына «Терроризмге қарсы» (2022 жылдың 30 наурыздағы  №117) Алгоритмдер бойынша түсіндірме, таныстыру жұмысы жүргізілді.

 2023 жылдың 25 -қыркүйегінде  "Терроризмге қарсы қорғауды ұйымдастыру" жөніндегі нұсқаулық шеңберінде бекітілген алгоритмге  (іс-қимылдар мен міндеттерге) сәйкес нұсқамаларды түсіндіру жұмыстары  кіші қызметкерлерге жүргізілді. Түсіндірме жұмыстары барысында кіші қызметкерлер  нұсқама бойынша түсінбегені бойынша сұрақтарын  қойып, бірнеше  мәселені талқыға салды. 

Бүгін мектебімізде мектеп Президентін салтанатты түрде тағайындалуы өтті. Бұл іс-шараның  мақсаты оқушылардың білімге құштарлығын арттыру, өзін- өзі басқару жұмысына жетелеу, ұжымдық жауапкершілікті сезіне білуге қалыптастыру. Оқушының дүниетанымын, жан-жақты ойлау қабілетін, ой өрісін дамыту, көп ізденуге, бірін-бірі тыңдап, өз ойын еркін айтуға дағдыландыру.  Оқушылардың мектепке деген құрмет сезімін ояту.

Мектептің Президентін сайлау нәтижесі бойынша  45,4% пайызбен  10 "В" сынып оқушысы Темірхан Зере Саятқызы жеңіп шықты.

Мектебімізде  “АДАЛ ҰРПАҚ” ерікті мектеп клубының ұйымдастыруымен   оқушылардың құқықтық және сыбайлас жемқорлыққа қарсы мәдениетін қалыптастыру, оқушылардың бойына рухани адамгершілік қасиеттерді ұялату, шыншыл, адамгершілік, асыл қасиеттерге тәрбиелеу мақсатында "Қоғамдық тәртіп негіздері” тақырыбында пікір сайысы өтті. Пікір сайыс  барысында  "Адал ұрпақ" ерікті клубының жетекшісі А.Еділбай оқушыларға  адалдық, сенім, парасаттылық, әділдік туралы түсіндірме жұмыстар жүргізді.

Мектеп ұжымы мен оқушыларға хабарландыру!

2023 жылы 16 қыркүйек күні «World cleanup day» дүние жүзілік тазалық күні айдарымен дәстүрлі бүкіл әлемдік экологиялық  акция мектебімізде өткізілді.   Акцияның басты мақсаты қоғам назарын экологиялық мәселелерге аудару, қоршаған ортаны таза ұстау, экологиялық мәдениетті қалыптастыруға үлес қосу, адамдардың қоршаған ортаны таза ұстауға деген көзқарасын өзгерту.

Ағымдағы жылдың 11 қыркүйек күні  Азаматтық қорғаныс жалпы мемлекеттік қорғану іс-шаралары өтті.  Мақсаты   әскери емес азаматтық қорғаныс, олардың атқаратын қызметі және жабдықталуы жайлы мектеп оқушылары мен қызметкерлердің сақтық шарасын алдын алуға дағдылау.Іс- шараға 860  оқушы мен қызметкерлер белсенділік танытып түгелдей дабыл кезінде дереу сақтану шарасына белсенді қатысты.

Бүгін жалпы орта білім беру аттестатын алу үшін 11 сынып оқушыларына Мемлекеттік емтихан тапсыру аяқталды. Мектебіміз бойынша 56  оқушы бітірсе, оның 8 білім алушысы үздік оқығаны және үлгілі тәртібі үшін "Алтын белгі" белгісіне үміткер ретінде тіркелген. Ағымдағы жылдың  4 шілде күні мектеп түлектері Ұлттық бірыңғай тестілеуді аяқтайды.   Барша түлектердің сынақтардан сүрінбей өтуіне тілектеспіз! Білім бәсекесінде сәттілік серік болсын!