1 желтоқсан Тұңғыш Президент күні

Қазақстан Республикасының Тұңғыш Президенті күніне орай іс-шаралар жоспары құрылып, өткізілді. 28 қараша күні "Қазақстан ядросыз мемлекетке айналуындағы тұңғыш Президент - Елбасының рөлі" атты 5-11 сынып оқушыларына бейне конференция өтті. Конференцияда ядросыз әлем – ол адамзат ұмтылуға тиіс  біздің ортақ мақсатымыз дей келе,  1991 жылы 29 тамызда Президент Н.Назарбаев Семей ядролық полигонын жабу туралы тарихи Жарлыққа қол қойылғанына тоқталып өтті. Бұл Қазақстанның дұрыс стратегиялық таңдау жасағанын, ядролық қарудан бас тартқан ел мәртебесіне ие болғанын көрсетеді. Бастауыш сынып оқушылары "Менің Қазақстаным!", "Менің тұңғыш Президентім" мектепішілік сурет байқауына қатысып жүлделі орындарға ие болды. "Қазақстан Республикасының Тұңғыш Президентінің музейіне" онлайн экскурсия өткізіп, Тәуелсіздіктің 7 қыры:"Жаңғыру жолы" атты деректі фильмдердің сілтемелері жіберілді.