Жетісу облысының дене шынықтыру  және спорт басқармасының ұйымдастыруымен өткен "JANA JYL - CUP" турниріне мектебіміздің дене шынықтыру мұғалімдері Кәкімбай Шыңғыс, Тұрлыбеков Асхат, Әлтай Әуезхан және оқушылар қатысып, І орынды жеңіп алды. Жеңістерімен құттықтаймыз!

Қала мектептерінің 7-8 сынып оқушылары арасында "Ұлттық мектеп лигасы" аясында өткен "Алтын доп" баскетбол жарысына  оқушыларымыз қатысып ІІ орынға ие болды. Бапкер  дене шынықтыру мұғалімі Қ.Мәуленбаевты жеңісімен құттықтаймыз!

Мектебімізде Балалар жылы және Қазақстан Республикасының Тәуелсіздігінің 31 жыл толуына орай «Әкем,анам және мен-біз спорттық отбасы» атты мектепішілік  сайысы 2- сыныптар арасында өтті. Мақсат және бағытымыз:   Оқушыларды спорт ойынына баулу және ата- анамен байланыса отырып  салауатты өмір қалыптастыру. Нәтижесінде : 2 а сыныбы  "Барыс" командасы  1 орын 2 г  сыныбы "Дружба" командасы 2 орын 2 д сыныбы "Бақытты отбасы" командасы  3 орын 2 Ж сыныбы "Сұңқар" командасы  3 орын жеңіп алды. 

Талдықорған қаласының орта мектеп қызметкерлерінің арасында қалалық жергілікті кәсіподақтың ұйымдастыруымен өткен тоғызқұмалақ ойынында мектебіміз ІІ орынға ие болды. Жеңімпаздарды құттықтаймыз!

Мектебіміздің 9"Д" сынып оқушысы Айтжанов Шамиль Жасөспірімдер мен ерлер арасында өткен қоян - қолтық ұрыстың ашық республикалық турнирінде І орынға ие болды! Құттықтаймыз!

Қалалық "Үздік дене шынықтыру мұғалімі - 2022" байқауынан мектебіміздің дене шынықтыру пәні мұғалімі Әмірханов Жарқын Серікұлы жүлделі 2 орынға ие болды.ҚҰТТЫҚТАЙМЫЗ!

Талдықорған қаласының орта мектептер арасында қалалық жергілікті кәсіподақ ұйымдастырған айналмалы кубогы үшін өткен спартакиадасы бойынша волейболдан әйелдер командасы IV орын, еркектер командасы ІІ орынды жеңіп алды. Құттықтаймыз!  

Мектебіміздің өнерлі оқушылары Омирбекова Ақмарал мен Айнабекова Нұржаханның  дайындауымен "Бақытты елдің ұрпағы" қоғамдық қорының ұйымдастыруымен өткен Республикалык "Дала Сазы" байқауына қатысты. Оқушыларымыз  байқаудан бірнеше  жүлделі  орындар алды. Жеңімпаздарымыз Халықаралық Түркия елінде өтетін "Deniz Desi" байқауына жолдама алды. Құттықтаймыз!

Нұрсұлтан қаласында белбеу күресінен  18-20 ақпан аралығында жасөспірімдер арасында халықаралық турнир өтті.  Турнирге 10 облыс және екі мемлекет бақ сынасты. Қаламыздың намысын қорғаған мектебіміздің 9а сынып оқушысы Нүкен Мейрамбек ІІІ орын иеленді. Ал 10 сынып оқушысы Қуатұлы Жандос чемпион атанды.

14 желтоқсан  күні   "Айбын-2021" VII республикалық әскери жиынында  07.11.2010 жылы құрылған "Жетісу Тарландары" ӘПК   командасы  "Жетісу Тарландары" жарысында 51 команданың ішінен  күміс жүлдегерлері атанды. Жарысқа мектеп оқушылары Хангелді Медет, Иманғали Аруна және Басшыбай Гүлденнің   қосқан үлестері орасан зор. Мектеп директоры Бейсекенова Гүлбаршын Ахметкарімқызын  Алматы облысы Қорғаныс істері жөніндегі басқарма бастығы полковник Т.Даулетханов "Айбын-2021" VII республикалық әскери