Балалар мен жасөспірімдерге құқықтық білім беру, жол ережесін сақтауға үйрету және жолда жүру мәдениетін қалыптастыру мақсатында мектеп инспекторы және "Жас полиция" көмекшілерінің ұйымдастыруымен «Жолда жүру ережесін есіңде сақта!» атты іс-шара ұйымдастырды. Іс-шараның мақсаты: оқушыларды жолдан өтудің тәртібі мен ережесін сақтауға, жол белгілеріне мұқият болуға баулу. 1-4 сыныптарда «Жол тәртібін білейік, аман-есен жүрейік!» тақырыбы аясында сынып сағаттары жүргізілді.

2022 жылдың 9 қыркүйек күні тәрбие орынбасарлары және педагог-психолог, мектеп инспекторы, Талдықорған ҚПБ-ның полиция подполковнигі Самат Ахатұлы Есболов 8-11 сынып оқушылармен алаяқтық туралы, жасөспірімдер арасындағы құқықбұзушылық, әлімжеттік пен бопсалаушылық, кәмелеттік жасқа толмағандарға қатысты жыныстық сипаттағы зорлық-зомбылықтың алдын алу мен қорғану шаралары туралы түсінік жұмыстрын жүргізді. 

Жасөспірімдер арасында құқық бұзушылықтың алдын алу мақсатында 2022 жылдың 1 қыркүйек - Білім күні,  Жетісу облыстық Полиция департаменті қызметкерлері, облыстық ПД тергеу басқармасының ІІБ бойынша тергеушісі, полиция аға лейтенанты Алмат Мұратбекұлы Құдайбергенов және мектеп инспекторы 10-11 сынып оқушыларымен жасөспірімдер арасындағы құқықбұзушылық пен нашақорлық туралы дәріс сағатын өткізді. Шара барысында қатысушылар өз сұрақтарын қойып, тиісті жауаптарын алды.