Қысқы демалыс кезіндегі қауіпсіздік ережелері үшін төмендегі ережелерді сақтауды ұсынамыз:

30 қаңтар күні оқушылардың қауіпсіздігін қамтассыз ету мақсатында педагогтермен жиналыс ұйымдастырылды. Сонымен қатар, сынып жетекшілеріне өз сыныптарының ата-аналарына  жиын түрінде және қосымша ақпараттар ұсынылып, оқушылардың қауіпсіздігін ерекше назарға алу туралы ескертілді. 

Құрметті ата-аналар!
Балалардың денсаулығы мен өмірі – біздің ортақ жауапкершілігіміз. Қысқы демалыс кезінде балалардың қауіпсіздігіне ерекше көңіл бөліп, олармен қауіпсіздік ережелерін талқылауға уақыт табуларыңызды өтінеміз.
Қысқы каникул – балалардың демалып, жаңа қуат жинайтын, отбасымен бірге уақыт өткізетін тамаша кезең. Бірақ осы уақытта балалардың қауіпсіздігін қамтамасыз ету – бәріміз үшін ең басты міндет.

Балалардың қысқы демалысын қауіпсіз әрі тиімді өткізуі үшін төмендегі ережелерді сақтауды ұсынамыз:
    1.    Мұз айдындары мен су қоймалары:Мұздың қалыңдығы жеткіліксіз болуы мүмкін. Балалардың мұз үстінде ойнауына немесе сырғанағына рұқсат етпеңіздер.
    2.    Жол қауіпсіздігі:Қыс мезгілінде жолдар тайғақ болады. Балаларды жолда мұқият болуға үйретіп, көше ережелерін еске салу маңызды.
    3.    Отпен абай болу:Пеш немесе электр құралдарын қолдану кезінде қауіпсіздік ережелерін сақтаңыз. Балалардың үйде жалғыз қалмауын қадағалаңыз.
    4.    Шаңғы және шана тебу:Балалар сырғанау кезінде арнайы қауіпсіз орындарды таңдағаны жөн. Жол бойында немесе қауіпті жерлерде шана тебуге жол бермеңіздер.
    5.    Интернет қауіпсіздігі:Балалардың интернетте өткізетін уақытын бақылап, олардың зиянды контентке ұшырамауын қадағалаңыз.